• Korekta ôrtografije Hunspell do Chromium i Chrome

  • Autōr: Grzegorz Kulik
  • Licyncyjo: GNU GPL (GPLv3)
  • Strōna: http://silling.org/
  • Pobier

Ślabikorzowy korektōr tekstu ślōnskij godki rozpoznowo hned 784 tysiōnce słōw. Korektōr je narychtowany do tekstōw we ślabikorzu uproszczōnym.

Instalacyjo

Chrome niy wiy, co to je “szl”, bez to muszymy go ôszydzić.

  1. Włażymy do sztelōnkōw gŏdki sam. (chrome://settings/?search=dodaj+j%C4%99zyki)
  2. Klikōmy Dodaj języki.
  3. Ôbiyrōmy afrikaans (czymu afrikaans? Bo żodyn z nos niy godo afrikaans) i klikōmy OK.
  4. Pod Używaj sprawdzania pisowni dla języka: aktywujymy Afrikaans.
  5. Jak sie korektōr afrikaans zainstaluje, to zawiyrōmy Chrome.
  6. Sebiyrōmy archiwōm ze ślōnskim korektorym.
  7. Na Windowsie włażymy we Eksploratorze do folderu C:\Users\%USERNAME%\AppData\Local\Google\Chrome\User Data\Dictionaries\
    Na Ubuntu włażymy do katalogu ~/.config/chromium/Dictionaries/
  8. We tym folderze winiyn być zbiōr af-ZA-3-0.bdic. Zastympujymy go tym ze archiwum.
  9. Ôtwiyrōmy nazod przeglōndarka i ślōnski korektōr winiyn fungować.
Korekta ôrtografije Hunspell do Chromium i Chrome