niydziela

Etymologijŏ

Ze prasłowiańskigo *neděľa, ôd prasłowiańskigo *ne + prasłowiańskigo *děliti.

Wymŏwa

AS: [ńėʒ́ela]

Rzeczownik

niydziela rodzaj żyński

1. siōdmy i ôstatni dziyń tydnia
   • 2015, Marcin Melon, Kōmisorz Hanusik. We tajnyj sużbie ślōnskij nacyje

   Niy ino w niydziela ale i bez tydziyń.

   • 2018, Szczepōn Twardoch Drach, przekł. Grzegorz Kulik

   i już niy ma Reinholda Ebersbacha, ôd godziny trzecij nad ranym w nocy z niydziele na pyńdziałek 26 grudnia 1921 roku.

   • 1901, Lucjan Malinowski, Powieści ludu polskiego na Śląsku, cz. 2

   a jak przijdzie czŏrnŏ niydziela jak przijdzie sie do połednia s kościeła to zaraz idōm najprzedy do państwa

2. tydziyń
   • 1961, Alfred Zaręba, red., Śląskie teksty gwarowe

   To drugi rŏz żech bōł jyno sztyry niedziele, bo żech bōł ranny w gowã.

ôdmiana:

ôdmiana: niydziela
przipadek	liczba pojedynczŏ	liczba mnogŏ
mianownik	niydziela	niydziele
dopołniŏcz	niydziele	niydziel
cylownik	niydzieli	niydzielōm
biernik	niydzielã	niydziele
nŏrzyndnik	niydzielōm	niydzielami pz.: niydzielōma
miyjscownik	niydzieli	niydzielach
wołŏcz	niydzielo	niydziele

uproszczōny zŏpis
przipadek	liczba pojedynczŏ	liczba mnogŏ
mianownik	niydziela	niydziele
dopołniŏcz	niydziele	niydziel
cylownik	niydzieli	niydzielōm
biernik	niydziela	niydziele
nŏrzyndnik	niydzielōm	niydzielami pz.: niydzielōma
miyjscownik	niydzieli	niydzielach
wołŏcz	niydzielo	niydziele

kolokacyje:

Niydziela Palmowŏ

Frazeologijŏ

• jak trefi niydziela w ôstatni piōntek

Inksze jynzyki

• angelski: Sunday
• czeski: neděle
• francuski: dimanche
• hiszpański: domingo
• italijański: domenica
• niymiecki: Sonntag
• polski: niedziela
• ruski: воскресенье
• słowacki: nedeľa
• ukrajiński: неділя