ptŏk

Etymologijŏ

Ôd prasłowiańskigo *pъtakъ, ôd praindoeuropejskigo *peth₂-.

Wymŏwa

AS: [ptak]

Rzeczownik

ptŏk rodzaj mynski niyôsobowy

1. (ôrnitologijŏ) ôpiyrzōne zwiyrzã ze krzidłami i dziobym
   • 2017, Charles Dickens, Godniŏ Pieśń, przekł. Grzegorz Kulik

   Take larmo sie zrobiyło, iże szłoby pōmyśleć, co gyńś to je jaki nojrzŏdszy ptŏk.

   • 1964, Feliks Pluta, Dialekt głogówecki

   My mieli łōdkã nad wodōm, nad rzykōm, a tam lŏtoł ôgrōmnie fajny ptŏk.

2. leke szalyństwo
   • 2018, Wachtyrz

   Mocka aktorów a prezydyntōw Ameryki przoło kocikōm: Fres Astaire, Charlie Chaplin, Liz Taylor, niy gŏdōm już ô Bardotce, kerŏ miała ptŏka na pōnkcie zwiyrzōnt.

   • 1922, Kocynder

   Nic jeno abo ta dziołcha pochodzi po żydzie, abo tyz jak tukiejś padoł Fyrtok jest trocha „manoli”, co pono tyla znacy, co mieć ptoka w głowie.

ôdmiana:

ôdmiana: ptŏk
przipadek	liczba pojedynczŏ	liczba mnogŏ
mianownik	ptŏk	ptŏki
dopołniŏcz	ptŏka	ptŏkōw
cylownik	ptŏkowi	ptŏkōm
biernik	ptŏka	ptŏki
nŏrzyndnik	ptŏkym	ptŏkami pz.: ptŏkōma
miyjscownik	ptŏku	ptŏkach
wołŏcz	ptŏku	ptŏki

uproszczōny zŏpis
przipadek	liczba pojedynczŏ	liczba mnogŏ
mianownik	ptok	ptoki
dopołniŏcz	ptoka	ptokōw
cylownik	ptokowi	ptokōm
biernik	ptoka	ptoki
nŏrzyndnik	ptokym	ptokami pz.: ptokōma
miyjscownik	ptoku	ptokach
wołŏcz	ptoku	ptoki

kolokacyje:

• mieć ptŏka

synōnimy:

2. szalyństwo, pej. ipi, pej. ała

Frazeologijŏ

• lecieć jak ptŏk
• wartki jak ôłowianny ptŏk

Inksze jynzyki

• angelski: bird
• czeski: pták
• francuski: oiseau
• hiszpański: ave, pájaro
• niymiecki: Vogel
• polski: ptak
• ruski: птица