ziymia

Etymologijŏ

Ze prasłowiańskigo *zemľa, ze prabałtosłowiańskigo *źemē, ze praindoeuropejskigo *dʰéǵʰōm.

Wymŏwa

AS: [źẽmʹi ̯a]

Rzeczownik

ziymia rodzaj żyński

1. wiyrchniŏ warstwa landu, gleba
   • 1976, Brunon Strzałka, Bojki i Godki Śląskie

   Ale nie zrobili ani kroku, bo zarozki sie ziymia pod niymi zatrzynsła, że karbidka spadła ze sztympla i zgasła.

2. to, co sie po tym chodzi; tyż zŏl
   • 1976, Brunon Strzałka, Bojki i Godki Śląskie

   A ōn idzie, krykōm sie podpiyro, a pies leci mu kole nogi z pyskiym przi ziymi.

3. teryn prywatny pod budowã abo do uprawy
   • poslunsku.eu

   Wszyjsko zaczło sie kole 1650 roku, jak Aleksander Cucher kupiōł ziymie naôbkoło i zrobiōł tam gospodarka.

4. (geografijŏ) regiōn geograficzny
   • 2015, sušská rybka - blog sboru SCEAV Havířov-Suchá

   Mómy to po naszej strónie ślóńskij ziymie zajimawe z tym strzidaniym jynzyków.

ôdmiana:

ôdmiana: ziymia
przipadek	liczba pojedynczŏ	liczba mnogŏ
mianownik	ziymia	ziymie
dopołniŏcz	ziymie	ziymiōw
cylownik	ziymi	ziymiōm
biernik	ziymiã	ziymie
nŏrzyndnik	ziymiōm	ziymiami pz.: ziymiōma
miyjscownik	ziymi	ziymiach
wołŏcz	ziymio	ziymie

uproszczōny zŏpis
przipadek	liczba pojedynczŏ	liczba mnogŏ
mianownik	ziymia	ziymie
dopołniŏcz	ziymie	ziymiōw
cylownik	ziymi	ziymiōm
biernik	ziymia	ziymie
nŏrzyndnik	ziymiōm	ziymiami pz.: ziymiōma
miyjscownik	ziymi	ziymiach
wołŏcz	ziymio	ziymie

uwŏgi:

• we syńsie astrōnōmicznym piszymy Ziymia.

synōnimy:

1. ziym, ciesz. ziymeczka

Frazeologijŏ

• ziymia sie nad kimś zległa
• ziymia sie pod kimś zapadła

Inksze jynzyki

• angelski: ground, land
• czeski: země, zem, podlaha
• francuski: terre, sol
• hiszpański: suelo, tierra
• niymiecki: Boden, Erde, Grundstück
• polski: ziemia
• ruski: земля