mlyko

Etymologijŏ

Ze prasłowiańskigo *melko.

Wymŏwa

AS: [mlyko],

Rzeczownik

mlyko rodzaj nijaki

1. biołŏ wydzielina gruczołōw mlycznych samic cycaczy, co niōm je kustowane mode potōmstwo; wydzielina ôd samic gŏwiedzi je używanŏ za jedyn z bazowych postrzodkōw ôdżywczych ôd czowieka
   • 1984, Augustyn Halotta, Śląskie bery, bojki i opowiastki z dawnych lat

   — Lepi by było, jakbyś z kozą poszoł na trowa, bo już mlyko traci.

   • 2018, Szczepōn Twardoch Drach, przekł. Grzegorz Kulik

   [...] ôjciec sie zlutowoł i przizwolōł bajtlōm chować kŏźlã ôd sŏrnika we ôborze, kaj futrowane krowim mlykym wartko zdechło.

ôdmiana:

ôdmiana: mlyko
przipadek	liczba pojedynczŏ	liczba mnogŏ
mianownik	mlyko	mlyka
dopołniŏcz	mlyka	mlyk
cylownik	mlyku	mlykōm
biernik	mlyko	mlyka
nŏrzyndnik	mlykym	mlykami pz.: mlykōma
miyjscownik	mlyku	mlykach
wołŏcz	mlyko	mlyka

uproszczōny zŏpis
przipadek	liczba pojedynczŏ	liczba mnogŏ
mianownik	mlyko	mlyka
dopołniŏcz	mlyka	mlyk
cylownik	mlyku	mlykōm
biernik	mlyko	mlyka
nŏrzyndnik	mlykym	mlykami pz.: mlykōma
miyjscownik	mlyku	mlykach
wołŏcz	mlyko	mlyka

kolokacyje:

1. skisłe mlyko

Frazeologijŏ

• bioły jak mlyko
• jeszcze mieć mlyko w kōntkach
• jeszcze kōmuś z brody mlyko kapie
• mieć gymbã krew a mlyko
• mieć mlyko na brodzie
• mieć mlyko pod nosym
• pokryńcić mlyko
• utrzij sie mlyko pod nosym
• utrzij sie mlyko z brody

Inksze jynzyki

• angelski: milk
• czeski: mléko
• francuski: lait
• hiszpański: leche
• niymiecki: Milch
• polski: mleko
• ruski: молоко