gyszichta

Etymologijŏ

Ôd niymieckigo Geschichte.

Wymŏwa

AS: [gyšiχta]

Rzeczownik

gyszichta rodzaj żyński

1. nauka, co sie pŏrŏ podszukowaniym przeszłości
   • 2017, Marcin Melon, Umrzik we szranku

   Normalny Ślōnzok, jak ty i jo – Adik erklerowoł jij pōmału cołko gyszichta ôd swojij familje.

   • 2018, Wachtyrz

   Bez tela lŏt niylekij gyszichty Fytla niy szło sam zamōntować internecowyj telewizje i terŏzki Wy mŏcie szansã to zmiynić.

2. krōtkŏ ôzprŏwka, ôpis jakigoś zdarzyniŏ
   • 2017, Marcin Melon, Umrzik we szranku

   – Nojczyńścij to sōm roztōmajte wojynne gyszichty, fto by sie na tym wyznoł? Kejś mi godoł ô jakimś esesmanie, kery miyszkoł wele niego.

ôdmiana:

pokŏżôdmiana: gyszichta
przipadek	liczba pojedynczŏ	liczba mnogŏ
mianownik	gyszichta	gyszichty
dopołniŏcz	gyszichty	gyszichtōw
cylownik	gyszichcie	gyszichtōm
biernik	gyszichtã	gyszichty
nŏrzyndnik	gyszichtōm	gyszichtami pz.: gyszichtōma
miyjscownik	gyszichcie	gyszichtach
wołŏcz	gyszichto	gyszichty

pokŏżuproszczōny zŏpis
przipadek	liczba pojedynczŏ	liczba mnogŏ
mianownik	gyszichta	gyszichty
dopołniŏcz	gyszichty	gyszichtōw
cylownik	gyszichcie	gyszichtōm
biernik	gyszichta	gyszichty
nŏrzyndnik	gyszichtōm	gyszichtami pz.: gyszichtōma
miyjscownik	gyszichcie	gyszichtach
wołŏcz	gyszichto	gyszichty

synōnimy:

1. historyjŏ
2. historyjŏ, ôzprŏwka, ôpowiyść, gawynda

antōnimy:

1. futurologijŏ, prognostyka

Inksze jynzyki

• angelski: affair, history, story
• czeski: dějiny, historie, příběh
• francuski: histoire
• hiszpański: historia
• niymiecki: Erzählung, Geschichte
• polski: historia
• ruski: история