szczyńście

Etymologijŏ

Ze prasłowiańskigo *sъčęstьje.

Wymŏwa

AS: [ščỹńśće], AS: [ščỹńśćy]

Rzeczownik

szczyńście rodzaj nijaki

1. uczucie radości i zadowolyniŏ
   • 2017, Charles Dickens, Godniŏ Pieśń, przekł. Grzegorz Kulik

   Scrooge podziynkowoł, ale pōmyśloł sie, co cołkŏ noc spaniŏ tyż by była do szczyńściŏ przidajnŏ.

2. powodzynie we działaniach, pōmyślny cufal
   • 2016, Rafał Szyma, Leanderka

   Jak żech mioł szczyńście, to trefiōłech go gibko, na tyn sōm dziyń.

ôdmiana:

ôdmiana: szczyńście
przipadek	liczba pojedynczŏ	liczba mnogŏ
mianownik	szczyńście	szczyńścia
dopołniŏcz	szczyńściŏ	szczyńść
cylownik	szczyńściu	szczyńściōm
biernik	szczyńście	szczyńścia
nŏrzyndnik	szczyńściym	szczyńściami pz.: szczyńściōma
miyjscownik	szczyńściu	szczyńściach
wołŏcz	szczyńście	szczyńścia

uproszczōny zŏpis
przipadek	liczba pojedynczŏ	liczba mnogŏ
mianownik	szczyńście	szczyńścia
dopołniŏcz	szczyńścio	szczyńść
cylownik	szczyńściu	szczyńściōm
biernik	szczyńście	szczyńścia
nŏrzyndnik	szczyńściym	szczyńściami pz.: szczyńściōma
miyjscownik	szczyńściu	szczyńściach
wołŏcz	szczyńście	szczyńścia

kolokacyje:

2. mieć szczyńście

synōnimy:

1. radość, uciecha, zadowolynie
2. pōmyślność, powodzynie

antōnimy:

1. bōl, niyszczyńście, smutek, starość, utrŏpa
2. pech

Frazeologijŏ

• Boże wōm dej szczyńście
• mieć szczyńście
• na to boże szczyńście
• szczyńście sie kōmuś uśmiychnyło

Inksze jynzyki

• angelski: happiness, luck
• czeski: štěstí
• francuski: bonheur, chance, fortune
• hiszpański: felicidad, suerte
• italijański: felicità, allegria
• niymiecki: Glück, Seligkeit
• polski: szczęście
• ruski: счастье
• słowacki: šťastie
• ukrajiński: щастя