piniōndz

Ze SileSłownik
Idź do: nawigacyjŏ, szukej

Etymologijŏ

Ze prasłowiańskigo *pěnędzь, ôd pragermańskigo *panningaz. Pokrewne ze niymieckim Pfennig i angelskim penny.

Wymŏwa

AS: [pʹińõnc], AS: [pʹii ̯õnc]

Rzeczownik

piniōndz rodzaj mynski rzeczowy

  1. (bankowość) umŏwny postrzodek płatniczy
    • 2017, Charles Dickens, Godniŏ Pieśń, przekł. Grzegorz Kulik
    – Niy wiym, ale do tego czasu bydymy fertich z piniyndzmi.
    • 1908, Jan Kopeć, Ô piniōndzach zapadniyntych
    Nejczyńścij to im dŏwali gotowe piniōndze, bo piniōndzami to se ôd razu możnō pōmōc.
    • 1930, Edward Jelyń, pamiyntnik
    Tōż my robiyli, a ôn na sōndy piniōndze wynosiył, a Boże zachowej, żeby mu nieboga matka abo my co powiedzieć mōgli.

ôdmiana:

ôdmiana: piniōndz
przipadek liczba pojedynczŏ liczba mnogŏ
mianownik piniōndz piniōndze
dopołniŏcz piniōndza piniyndzy
cylownik piniōndzowi piniōndzōm
biernik piniōndz piniōndze
nŏrzyndnik piniōndzym piniyndzmi
pz.: piniyndōma
miyjscownik piniōndzu piniōndzach
wołŏcz piniōndzu piniōndze
uproszczōny zŏpis
przipadek liczba pojedynczŏ liczba mnogŏ
mianownik piniōndz piniōndze
dopołniŏcz piniōndza piniyndzy
cylownik piniōndzowi piniōndzōm
biernik piniōndz piniōndze
nŏrzyndnik piniōndzym piniyndzmi
pz.: piniyndōma
miyjscownik piniōndzu piniōndzach
wołŏcz piniōndzu piniōndze

synōnimy:

  1. waluta

Frazeologijŏ

Inksze jynzyki

  • angelski: money
  • czeski: peníz
  • francuski: argent, monnaie
  • hiszpański: dinero
  • niymiecki: Geld
  • polski: pieniądz
  • ruski: деньги