gōra

Etymologijŏ

Ze prasłowiańskigo *gora, ze praindoeuropejskigo *gʷerh₃-.

Wymŏwa

AS: [gȯra]

Rzeczownik

gōra rodzaj żyński

1. (geografijŏ) sroge podniesiynie terynu
   • 1976, Brunon Strzałka, Bojki i Godki Śląskie

   Potym kajś blisko tak głucho zadudniało, jakby jako wielko gōra spadła na ziymiam, co sie kajś wysoko oberwała.

   • 2014, Mirosław Syniawa, Dante i inksi

   Strōmy wyrznōńć, coby sie gōry widzieć dały.

2. fiśla
   • 1934, Feliks Steuer, Dialekt sulkowski

   Koczky chodzōm po kuchyni abo lŏcōm po gōrze. W kuchyni paskudzōm: idōm na mlyko, na miynso abo na kołŏcz. Na gōrze chytajōm myszy.

3. moc czegoś
   • 2018, Szczepōn Twardoch Drach, przekł. Grzegorz Kulik

   Na talyrz nakłŏdŏ gōrã sztamfkartŏfli, wciepuje kōncek szpyrki ze skōrōm, co sie we żurze warzōł, i zalywŏ wszyjsko.

4. wyższŏ tajla czegoś, takŏ, co je wyżyj
   • 1935, Feliks Steuer, Z naszej źymjy ślunskej

   Wicher żynie po hulici, / Proch i słōma do gōry idōm. / Bydzie padać.

5. (bergmaństwo) wszyjsko, co niy nŏleży do podziymnyj tajle ôd gruby
   • 1930, Edward Jelyń, pamiyntnik

   A broł tyn szleper na jedyn wōzyk dwie pōłtōnki, a jak przijechoł pod szyb, to po jednym wydŏwoł, a ciōngŏrze na wale do gōry wyciōngli.

6. (archajiczne) gruba
   • (potrzebny przikłŏd)

ôdmiana:

ôdmiana: gōra
przipadek	liczba pojedynczŏ	liczba mnogŏ
mianownik	gōra	gōry
dopołniŏcz	gōry	gōr
cylownik	gōrze	gōrōm
biernik	gōrã	gōr
nŏrzyndnik	gōrōm	gōrami pz.: gōrōma
miyjscownik	gōrze	gōrach
wołŏcz	gōro	gōry

uproszczōny zŏpis
przipadek	liczba pojedynczŏ	liczba mnogŏ
mianownik	gōra	gōry
dopołniŏcz	gōry	gōr
cylownik	gōrze	gōrōm
biernik	gōra	gōr
nŏrzyndnik	gōrōm	gōrami pz.: gōrōma
miyjscownik	gōrze	gōrach
wołŏcz	gōro	gōry

składnia:

3. gōra + dopołniŏcz

synōnimy:

1. ciesz. grapa, wiyrch, ciesz. hōra, kopiec, berg, ciesz. grōń
2. fiszla, fiśla
3. kupa, moc, mockã, kōns, połno, ôpol. kans
4. wiyrch

5. gruba, szachta, ciesz. hawiyrnia

antōnimy:

1. dolina, nizina

4. dół

Frazeologijŏ

• sznurã i na gōrã

Inksze jynzyki

• angelski: hill, mountain, top, attic, mine
• czeski: hora, půda, důl
• francuski: haut, mont, montagne, grenier, mine
• hiszpański: montaña, ático, mina
• niymiecki: Berg, Dachgeschoss, Dachboden, Grube
• polski: góra, kopalnia, strych
• ruski: гора, черда́к, шахта