Korpus Ślōnskij Mŏwy je nazod przistympny na strōnie. Je przistymp do ôryginalnyj wersyje, co mo 1,1 mln słowoformōw.
Chocioż słownictwo ze rynkopiśmiynnego słownika ôd Michała Przywary mo noleżeć do srogigo ślōnskigo słownika, co jeszcze niy ma fertich, hasła ś niego idzie przeglōndać na ekstra strōnie. We kożdym haśle ôkrōm samego hasłowego wyrazu sōm tyż ekstra uwogi, co je Przywara mioł, i informacyjo ô rejōnie, kaj dane słowo je używane. Niżyj przikłod faryny, kaj widać, że sōm na nia trzi terminy: „dōmys/dōmyscuker” (bez uwog ani rejōnu), „faryna” (ôd „Farinzucker”; używane wszyńdzie), „mołty cuker” (Sycōw) i ekstra informacyjo ôd Przywary, że we Pszczynie trefiōł „mełty cuker”. Tego hasła niy ma we żodnym inkszym słowniku. Je takich u Przywary wiyncyj, tōż to je naprowda ważno materyjo, a blank niyznano.
We słowniku je 8035 haseł. Społym ze SileSłownikym to dowo hned 34 tysiōnce. Drugigo takigo ôpublikowanego zbioru niy ma.